خاب الرجا يا صاحبي لامع الصيـت
الصاحب اللي عنـد حاجـة عدمتـه
جابتني الحاجة وجيتك علـى البيـت
وافشيـت سـرا بنفـسـي لزمـتـه
ابيك تنقـذ ضامـري مـن التناهيـت
الله يساعدنـي علـى اللـي كتمـتـه
ووعدتنـي والظاهـر انـك تناسيـت
اهملت وعـدي يالصديـق وهضمتـه
عاملتنـي كنـي خطـات السحاليـت
مقبـل ترحبـه ومقـفـي شتمـتـه
وانااتسـاءل كيـف عنـي تخلـيـت
والـوم نفسـي صاحبـي مافهمـتـه
ياليتني مـا احتجـت ياليت...ياليـت
عشان ما اخسر صاحبي اللي احترمته
الصاحب اللي حاسبه من هل البيـت
بيتا كبيـر وكـل مـن بـه حشمتـه
لكـن قولولـه تـرانـي تراخـيـت
واللـي بنيتـه مـن صداقةهدمـتـه
جبت المطايا وشلت عفشـي وقفيـت
أمشي نهـاري واسـود الليـل نمتـه
لا ضاق صدري لأفضل الهجن شديت
حرى نهـوم الـي ركبـت ونهمتـه
وسجيـت بديـار الجـدود وتسليـت
والهم فـي وديـان ربعـي هزمتـه
أهل الكرم ماوفـروا سمـن بالزيـت
ياماعزمـنـي واحــد ماعزمـتـه
وإن شفت مجلس ذل عنـه تناحيـت
والنفس عن باقـي المذلـه عصمتـه
الذل ما ارضى به لو اصبحت ممسيت
والصبر عز وهيبت الرجـل صمتـه
للشاعر المرحوم \ سلامه حمود العطار رحمه الله
ليست هناك تعليقات:
إرسال تعليق